მართვა

ლაშა კანდელაკიშვილი
რექტორი 

ლაშა კანდელაკიშვილმა 2007 წელს წარმატებით დაამთავრა საქართველოს ტექნიკური უნივერსიტეტის სამთო-გეოლოგიური ფაკულტეტი, 2017 კი პოლონეთის ლეგნიცის უმაღლესი მენეჯმენტის სკოლაში მაგისტრის ხარისხი მოიპოვა.

2007 წლიდან თბილისის საერო უნივერსიტეტის გენერალური დირექტორის თანამდებობას იკავებდა, 2008 წლიდან თბილისის საერთაშორისო უნივერსიტეტის დირექტორი იყო. 2009 წელს ევრაზიის საერთაშორისო უნივერსიტეტის რექტორის თანამდებობაზე მუშაობდა, 2012 წლის 31 დეკემბრიდან  დღემდე კი ევროპის უნივერსიტეტის რექტორია.

ლაშა კანდელაკიშვილი პედაგოგიურ საქმიანობას წლების განმავლობაში ეწეოდა, ამასთან, მუშაობდა სხვადასხვა არასამთავრობო ორგანიზაციაში. არის 5 სახელმძღვანელოს, სამეცნიერო ნაშრომებისა და პუბლიკაციების ავტორი.

კონტაქტი: rector@eu.edu.ge

 

გოჩა თუთბერიძე
ვიცე-რექტორი სასწავლო და სამეცნიერო-კვლევითი მიმართულებით

გოჩა თუთბერიძემ 1985 წელს წარმატებით დაამთავრა თბილისის სახელმწიფო უნივერსიტეტის ეკონომიკის ფაკულტეტი, 1988 წელს კი საქართველოს მეცნიერებათა აკადემიის ეკონომიკისა და სამართლის ინსტიტუტი (ასპირანტურა). 1991 წელს დაამთავრა ილია ჭავჭავაძის სახელობის უცხო ენათა ინსტიტუტი (გერმანული ენა და ლიტერატურა), 1992 წელს - გუტენბერგის სახელობის მაინცის უნივერსიტეტი (გერმანია). არის ეკონომიკის დოქტორი.

გოჩა თუთბერიძის სამუშაო გამოცდილება მრავალფეროვანია, ის იყო საქართველოს ეროვნული ბანკის სავალუტო რეგულირების, დოკუმენტური ზედამხედველობის განყოფილებების უფროსი, საბანკო ზედამხედველობისა და რეგულირების სამმართველოს უფროსის მოადგილე, კომერციული ბანკების ფინანსური და აღმასრულებელი დირექტორი, აუდიტორული და კონსალტინგური კომპანიის აღმასრულებელი დირექტორი. გერმანული აკადემიური გაცვლის პროგრამის (DAAD) და კარლ დუისბერგის (CDG) სტიპენდიანტი.

2016-2018 წლებში ევროპის უნივერსიტეტის ბიზნესისა და ტექნოლოგიების ფაკულტეტის დეკანისა და ამავე უნივერსიტეტის პრორექტორის თანამდებობებს იკავებდა. 

კონტაქტი: gtutberidze@eu.edu.ge

 

თამარ ზარგინავა
ვიცე-რექტორი საგარეო ურთიერთობების მიმართულებით        

თამარ ზარგინავამ 2013 წელს წარმატებით დაამთავრა ეკონომიკისა და მენეჯმენტის აღმოსავლეთ ევროპული უნივერსიტეტის სამართლის საბაკალავრო პროგრამა, 2015 წელს კი ამავე უნივერსიტეტში სამართლის მაგისტრის ხარისხი მიენიჭა.

2007-2011 წლებში საერო უნივერსიტეტის ადმინისტრაციის ხელმძღვანელის თანამდებობას იკავებდა, 2011-2012 წლებში თბილისის საერთაშორისო სასწავლო უნივერსიტეტის რექტორის მოვალეობის შემსრულებელი იყო, 2012-2014 წლებში კი - ამავე უნივერსიტეტის რექტორის აპარატის ხელმძღვანელი. 2015-2017 წლებში ევროპის უნივერსიტეტის ადმინისტრაციის უფროსის პოზიციაზე მუშაობდა, 2017 წლიდან დღემდე არის ვიცე-რექტორი საგარეო ურთიერთობების მიმართულებით.

კონტაქტი: tamar.zarginava@eu.edu.ge

გააზიარე გვერდი: